Mixtape.
Aliquam lorem ante, dapibus in, viverra quis, feugiat a, tellus. Phasellus viverra nulla ut metus varius laoreet quisque rutrum.

Instagram

Páll Óskar/Tímalína

Tímalína

2010-

2016
sep 16

ÞÁ MÆTIR ÞÚ TIL MÍN

feb 17

VINNUM ÞETTA FYRIRFRAM

2015
nóv 21

GEGNUM DIMMAN DAL

júl 24

ÁST SEM ENDIST – PÁLL ÓSKAR

júl 24

LÍTTU UPP Í LJÓS

2013
maí 12

“VORKVÖLD Í REYKJAVÍK” Í HÖRPU

“VORKVÖLD Í REYKJAVÍK” Í HÖRPU
apr 05

ROGER CORMAN Á 90 MÍN

ROGER CORMAN Á 90 MÍN

Páll Óskar teiknar Pit and the Pendulum hlutann af plakatinu.

B-mynda kóngurinn Roger Corman á afmæli núna um helgina. Af því tilefni verður 50’s og 60’s B-mynda Super 8 show í Bíó-Paradís núna á sunnudag 7. apríl. “Roger Corman á 90 mínútum”. Eftirtaldar myndir verða sýndar af Super 8 filmum úr mínu einkasafni:

1. The Giant Claw
2. The Screaming Skull
3. The Phantom Planet
4. Night of the Blood Beast
5. It Conquered the World
6. The Beast of the Haunted Cave
7. The Wasp Woman
8. Bucket of Blood
9. The Raven
10. The Pit and the Pendulum

Það verða hryllings-treilerar á undan, auglýsingar sem notaðar voru í bílabíóum í gamla daga, ein lítil teiknimynd eftir Tex Avery (alveg eins og var alltaf gert í bíla-bíóunum) og svo byrjar showið á fullu blasti.

mar 18

PÁLL ÓSKAR TEIKNAR PLAKAT FYRIR ÍTÖLSKU MORÐMYNDINA “DEEP RED” EFTIR DARIO ARGENTO

PÁLL ÓSKAR TEIKNAR PLAKAT FYRIR ÍTÖLSKU MORÐMYNDINA “DEEP RED” EFTIR DARIO ARGENTO

VERÐUR SÝND ÓKLIPPT Á SVÖRTUM SUNNUDEGI Í BÍÓ-PARADÍS SUN 24. MARS.

Ég var að teikna plakat fyrir hina blóðugu morðgátu-mynd DEEP RED eftir vin minn, ítalska hryllingsmyndaleikstjórann Dario Argento. (Jú, ég teiknaði þetta sjálfur – hef reyndar ekki teiknað mikið síðan ég var 20 ára, en er að spá að byrja aftur núna.) DEEP RED verður sýnd óklippt núna næsta Svarta Sunnudag 24. mars kl. 20 í Bíó-Paradís, hryllingsmynda aðdáendum til mikillar gleði. Hinir mega halda sig heima. Fyrir þá sem þora að koma… þá er miðasalan hafin í Bíó-Paradís. Ykkar, Páll Óskar (horror nörd)

mar 15

HEIMASÍÐAN PÁLLÓSKAR.IS FER Í LOFTIÐ

HEIMASÍÐAN PÁLLÓSKAR.IS FER Í LOFTIÐ

Ókeypis streymandi tónlist, vídeó, viðtöl, myndir og fleira stuð.

Jæja, elskurnar mínar.

Velkomin á palloskar.is.   Það sem þið sjáið hér núna í dag (15. mars 2013) er grunn útgáfa af þessari síðu.  Ég á eftir að skreyta þetta jólatré.

Og nú fyrst byrjar stuðið.  Ég mun uppfæra þessa síðu persónulega eins oft of þurfa þykir.  Undanfarin misseri hef ég fundið svo mikið af gömlu dóti sem ég hef ekki tékkað á í mörg ár.  Kassettur með upptökum af gömlum útvarpsþáttum eins og „Sætt og Sóðalegt“ og „Dr. Love“.

Ég hef fundið lög sem enduðu aldrei á neinum plötum og tónleika upptökur sem hafa aldrei heyrst.  Ljósmyndir sem ég var búinn að gleyma að væru til.  Myndbönd sem ég hélt að pabbi minn hafi strokað út í VHS tækinu.  Viðtöl og fjölmiðlafár með yfirlýsingum sem ég man ekki eftir að hafa sagt.

Allt þetta dót verður að vera til á stafrænu formi á gerfihnattaöld.  Þess vegna er ég að gera þessa heimasíðu.  Þetta verður að vera aðgengilegt á einum stað.  Og þessi staður heitir núna www.palloskar.is

Þetta er ekki sölusíða.   Ég hef tekið þá ákvörðun að streyma allri eldri tónlist sem ég hef sjálfur gefið út ókeypis hér á þessari síðu.   Ég er búinn að selja þessar plötur hvort sem er.   Þú ferð bara í „Tónlist“, smellir á uppáhaldslögin þín og býrð til þinn eigin lagalista.  Svo bara hækkar þú í botn og byrjar svo að ryksuga.

Ég á eftir að bæta inn fjölmörgum lögum í viðbót í þetta „Jukebox“, sjaldheyrðum upptökum og glænýjum lögum í bland.  Ég var t.d að setja inn upphafslagið úr „Dr. Love“ þarna inn (sem var aldrei gefið út).  Meira svona dót  er á leiðinni.   Fylgist með í framtíðinni.

Ég mun ekki streyma nýjum plötum í heilu lagi hér.   Ég verð að geta selt þær svo þær nái kostnaði svo ég geti borgað reikningana mina og gert fleiri plötur.   En þetta er rétti staðurinn til að gefa sýnishorn af nýju plötunum og streyma smáskífum.   Vel heppnuð smáskífa er kynning og auglýsing í sjálfu sér.

Þetta er rétti staðurinn til að frumflytja ný lög og frumsýna ný tónlistarmyndbönd þegar þau koma í heiminn.    Ef þið fílið nýju lögin sem þið heyrið, þá megið þið vinsamlegast kaupa nýjar íslenskar plötur á www.tonlist.is og www.gogoyoko.com á stafrænu formi eða hlaupa út í Skífu, Elko, Hagkaup eða þær búðir sem selja plötur á föstu formi.

ÞAKKIR:   Það eru fjórir menn sem ég verð að þakka kærlega fyrir að hafa skapað þessa heimasíðu.  Þeir eru Guðmundur R. Einarsson, Charles Christie, Davíð Sveinsson og Orri Helgason hjá WeDo www.wedo.is    Takk fyrir alla ykkar vinnu og til hamingju með hvað vefurinn lúkkar og virkar sjúklega flott.

Takk Stebbi, fyrir alla þolinmæðina og að eyða svona mörgum klukkutímum (sem ég hafði ekki) til að skanna inn allar þessar ljósmyndir og blaðagreinar sem ég átti bara á pappír.

Auk þess vil ég þakka öllum ljósmyndurum innilega fyrir velvildina og þeirra góðfúslega leyfi fyrir að nota þær ljósmyndir sem birtast hér, ef ég var ekki búinn að borga fyrir þær sjálfur fyrir eða þá að þær koma úr mínu persónulega myndaalbúmi.

Takk elsku þú fyrir að hafa loggað þig inn á líf mitt.  Njóttu vel, fylgstu með í framtíðinni og góða skemmtun.

Ást, Páll Óskar xox

jan 24

“AF FINGRUM FRAM” Tónleikaröð með Jóni Ólafssyni píanó og Robba bassa. Gekk í Salnum í Kópavogi frá 2012 til 2013

“AF FINGRUM FRAM” Tónleikaröð með Jóni Ólafssyni píanó og Robba bassa. Gekk í Salnum í Kópavogi frá 2012 til 2013
2012
des 24

PALLI & MONIKA 2012

PALLI & MONIKA 2012
júl 25

LJÓSM. ARNOLD

LJÓSM. ARNOLD
mar 25

LJÓSM. ARNOLD

LJÓSM. ARNOLD
2011
nóv 01

PÁLL ÓSKAR OG SINFÓ

PÁLL ÓSKAR OG SINFÓ

Páll Óskar var með þeim allra fyrstu til að halda sannkallaða stórtónleika í Hörpunni, þegar húsið vorið 2011. Hélt hann þar einkar glæsilega ferilstónleika með bestu hljómsveit landsins, Sinfóníuhljómsveit Íslands. Má með sanni segja að þessi þrenning; Páll Óskar, Sinfó og Harpan hafi getið af sér einstakan viðburð og ógleymanlegir stundir hjá þúsundum gesta. Fimm tónleikar seldust upp og miklu færri komust að en vildu. Með plötunni hér á Tónlist.is fylgja þrjú aukalög.

okt 01

UPPKLAPP

UPPKLAPP

Þetta er safn af lögum með Páli Óskari sem hafa ekki komið út áður eða aðeins sem smáskífur.

sep 14

MEGI ÞAÐ BYRJA MEÐ MÉR – UNICEF LAGIÐ

ágú 04

LA DOLCE VITA

jún 11

TF-STUÐ – PÁLL ÓSKAR OG SINFÓ

jan 12

ÞÚ KOMST VIÐ HJARTAÐ Í MÉR

2010
des 01

GORDJÖSS (2010)

nóv 01

GORDJÖSS (REMIX)

GORDJÖSS (REMIX)

Hér er endurhljóðblöndun eða remix af hinu geysivinsæla lagi „Það geta ekki allir verið gordjöss“ sem Páll Óskar syngur á diskóbarnaplötunni Diskóeyjan. Þessi útgáfa er aðeins klúbbavænni og meira fullorðins í meðförum Örlygs Smára. Lag og texti er eftir Braga Valdimar Skúlason. Mælt er með að hlustandinn standi fyrir framan spegil og syngi textann með hástöfum fyrir sjálfann sig.

okt 15

DISKÓEYJAN

DISKÓEYJAN

Óhætt er að segja að hljómskífan Diskóeyjan í flutningi Prófessorsins og Memfismafíunnar hafi valdið straumhvörfum á íslenska diskó- og fönkbarnaplötumarkaðnum. Diskóeyjan er hugarfóstur þeirra Braga Valdimars Skúlasonar, Óttars Proppé og Guðm. Kristins Jónssonar (Kidda Hjálms), sem fá til liðs við sig hóp valinkunnara og ástsælla listamanna til að gæða eyjuna lífi. Lög og textar eru eftir Braga Valdimar sem sendi frá sér Barnaplötuna Gillligill ásamt Memfismafíunni fyrir tveimur árum. Óttarr bregður sér hlutverk gamals kunningja af íslensku tónlistarsenunni, Prófessorsins, en hann er mörgum að góðu kunnur úr sveitinni Funkstrasse. Kiddi sá um að taka herlegheitin upp í Hljóðrita í Hafnarfirði. Prófessorinn rekur fágunarskóla fyrir börn á Diskóeyju við Diskóflóa. Þar kennir hann þeim ýmsa góða siði og fræðir þau um gildi fönksins ásamt því að gefa gagnleg ráð um klæðaburð og líkamstjáningu. Þangað eru systkinin Daníel og Rut send og sækist þeim námið vel. Það setur hins vegar strik í reikninginn þegar Ljóti kallinn birtist með tilheyrandi mjaðmasveiflum og hyggst breyta Fágunarskólanum í tehús. Allt fer þó þokkalega að lokum. Með helstu hlutverk fara Óttarr Proppé, sem er prófessorinn; Páll Óskar Hjálmtýsson sem leikur ljóta kallinn; Sigríður Thorlacius og Unnsteinn úr Retro Stefson, sem leika Daníel og Rut – og Sigtryggur Baldursson sem fer með hlutverk söguúlfsins. Sigurður Guðmundsson syngur hlutverk sólkonungsins og Magga Stína er gæludvergur prófessorsins. Platan inniheldur meðal annars ofursmellinn „Það geta ekki allir verið gordjöss“, sem tröllriðið hefur útvarpsrásum, diskótekum og ípóðum þjóðarinnar undanfarin ár.