
25. ágúst, 2017
SÖNGÆVINTÝRIÐ RAUÐHETTA & HANS OG GRÉTA
Þetta er fyrsta platan sem Páll Óskar söng inná þá tíu ára gamall. Hún var gefin út af Geimsteini árið 1980. Gylfi Ægisson hafði samið söngleiki út frá hinum þekktu Grimmsævintýrum Hans og Grétu og Rauðhettu. Þarna var Palli í hlutverki Hans. Þessi plata varð upphafið að farsælu samstarfi Palla og Gylfa Ægissonar. Fleiri plötur fylgdu í kjölfarið.